له‌ ساڵی 1921 له‌ شاری بۆکان له‌ رۆژ هه‌ڵاتی کوردستان له‌ دایک بووه‌، هه‌ر له‌ سه‌ره‌تای لاوییوه‌ وه‌ك ده‌نگخۆشێک ده‌ستی کردووه‌ به‌ گۆرانی گوتن، به‌ڵام به‌داخه‌وه‌ هه‌ر له‌ ته‌مه‌نی لاویدا باوکی له‌ ده‌ست دا، له‌به‌ر ئه‌وه‌دا بۆ دابین کردنی بژێوی ژیانی ناچارده‌بێت زۆربه‌ی شار و گونده‌کانی کوردستان بگه‌ڕێت، له‌ هه‌ر شوێنه‌ێکدا مابێته‌وه‌ له‌ ماوایه‌کی که‌مدا ناوبانگی ده‌رکه‌وتووه‌..هه‌رچه‌ند ڕابۆچونی جیاواز هه‌یه‌ له‌ سه‌ر ژیان نامه‌ی ئه‌م هونه‌رمه‌ندی کورد به‌ڵام ده‌کرێ کۆرته‌یه‌ک له‌ ژیانی به‌م شێوه‌یه‌ بخه‌ینه‌ ڕوو : حه‌سه‌ن زیره‌ک هه‌ر له‌ ته‌مه‌نی 12 ساڵی دا بۆکان به‌جێده‌هێڵێت و ده‌چێت بۆ شاری سه‌قز له‌ ته‌مه‌نی 15 ساڵیدا گه‌رایته‌وه‌ بۆ شاری بۆکان به‌ڵام زۆر له‌وێ نه‌مایته‌وه‌ و بۆ دۆزینه‌وه‌ی کار و کاسبی به‌ره‌و شارکانی ته‌ورێز و تاران رۆیشتوه‌، دواتریش دێته‌وه‌ باشوری کوردستان و له‌ شاری سلێمانی له‌ گه‌ڕه‌کی ده‌رگه‌زێن جێگر ده‌بێت، هه‌روه‌ها ماوه‌یه‌کیش میوانی خه‌ڵکی که‌رکووک ده‌بێت و سه‌رجه‌م له‌ ساڵی 1953 ده‌چێته‌ ڕادیۆی به‌غدا و ده‌یان گۆرانی ره‌سه‌نی کوردی له‌گه‌ڵ ئۆرکێسترای ڕادیۆی به‌غدا تۆماربکات، له‌ 14 گه‌لاوێژی 1959 له‌ سه‌ر بانگهێشتی ڕادیۆی کوردی تاران، ده‌گه‌رێته‌وه‌ بۆ ئێران و له‌گه‌ڵ ئۆرکێسترا جۆربه‌ خۆره‌کانی تارانده‌ کار ده‌کات، هه‌روه‌ها جاروبار له‌ رادیۆی ته‌ورێز له‌ ئازه‌ربیجان گۆرانی گوتووه‌ دواتر له‌ ساڵی 1960 دا ده‌چێته‌ ڕادیۆی کرماشان و زۆربه‌ی کاره‌ هونه‌ریه‌کانی له‌گه‌ڵ ئۆرکێسترای ڕادیۆی کرماشاندا به‌سه‌رپه‌رشتی هونه‌رمه‌ندانی گه‌وره‌ی کورد مۆجته‌با میرزاده‌ تۆمارده‌کات که‌ ناوبانگی هونه‌ری حه‌سه‌ن زیره‌ک زیاتر له‌وه‌ پیده‌ ده‌بێت، چونکه‌ ئه‌و کۆمه‌ڵه‌ گۆرانییه‌ به‌ شاکاری هونه‌ره‌که‌ی داده‌نرێت.. حه‌سه‌ن زیره‌ک زۆربه‌ی گۆرانیه‌کانی به‌ دیالێکتی کرمانجی خواروو سۆرانی گوتووه‌ چونکه‌ زمانی فارسی و تورکی تاراده‌یه‌ک عه‌ره‌بی زانیویه‌تی... زیره‌ک له‌ برواری 1972/6/26 له‌ ته‌مه‌نی 51 ساڵیدا له‌ شاری بۆکان بۆ یه‌ک جاری به‌سه‌رچاوه‌یه‌کی ده‌وله‌مه‌ند بۆ هونه‌ری ره‌سه‌نی کوردی به‌ خاک ده‌سپێری. حه‌سه‌ن زیره‌ک پڕ کارترین گۆرانی بێژی کورده‌ که‌ سه‌دان گۆرانی له‌ ڕادیۆ و ته‌له‌فزیۆنه‌کاندا تۆمار کردووه‌ ئێستا زۆربه‌ی به‌رهه‌مه‌کانی له‌ ئه‌رشیفی ماڵپه‌ڕی ئاشقان هه‌یه‌ که‌ به‌م شێوه‌یه‌ له‌ چه‌ند ئه‌لبومێکدا بڵاو ده‌کرێته‌وه‌ له‌ به‌رگی ژماره 1 دا کۆمه‌ڵه‌ گۆرانیه‌کانی که‌ له‌ ڕادیۆ به‌غدا و دوایی له‌ ڕادیۆ تاران و کرماشان تۆماری کردوون بڵاو ده‌که‌ینه‌وه‌ له‌ ژماره‌کانی داهاتوودا به‌رهه‌مه‌ هونه‌ریه‌کانی تری بڵاوده‌که‌ینه‌وه‌ به‌ هیوای بتوانین هه‌موو به‌رهه‌مه‌کانی وه‌ک ئه‌رشیفێکی هونه‌ری به‌ هۆگرانی ده‌نگی ئه‌و هونه‌رمه‌نده‌ نه‌مره‌ پێشکه‌ش بکه‌ین که‌ شیاوی هونه‌ری ڕه‌سه‌نی گه‌له‌که‌مانه‌‌ هیوادارین به‌ دڵی هه‌مو لایه‌ک بێت

( ئێره‌ کلیک بکه )